لاتختلف مافيه غير الخير ياعبد الحميد = الله مايظلم من يصون الفرّض ويعز الخوي
مافيه غير اللي خطفه الموت مع دم الوريد = اليوم سووله عزا بين الحتايف والّجوي

اتا عتيبي ماعليه من ذوي الباس الشديد= المشكله فسعيد يومنه مع الحزم يهوي
وراك يوم تجيب الي تلميح في بيت القصيد= حبكتها فالقافيه واخفقت في حرف الروي

ماقول فيك اقصور ياطيبك علي عبدك سعيد = يومين تكوي غترته وايام تزويها زوي
انت اتعرف وانا اعرف ماكل يوم ايّعد عيد = مار احمد الله واشكره قدام نلويها لوي

ماجاه غير الخير لواني مابا شوف العبيد= انا على درب الهدى ماهمني منه غوي

انت تعرف ماكل صياد ليا درهم يصيد= واليا التويت ابشر بلويه مابعدها تستوي

رميت قدامي عسل جات القعيسه من بعيد = ها حلها من بعد فعلتك الغريبه ياقوي

انت اتعرفني ماعليه منك لو شلت الحديد = دشداشتك متقرفطه يبغالها غسّل وكوي

ان اكلته او ما اكلته ياعبدنا وش تستفيد= يلصق بها وتموت باامر اللي على العالم قوي

بكره تشيع السالفه مابين عمرو وبين زيد= وسعيد خطر يموت منها بالنزيف الدموي

حنا نبا نرتاح فالديوان وانجر النشيد = وانته يامال الخير ماقصرت صحيت اضحوي
محد يصدق عسكري مامور يامر له عميد = الا ولد واحد ماهو محسوب عندي واقروي