ملخص الطاروق بيني و بين أبو فواز ..
بندر غزاي المقاطي :
لو شريتوا بشوت و لو شريتوا ختوم /:/ شيخة القوم مع بندر على المملكه ..
ودكم بَ المعالي مير مَ من عزوم /:/ حدكم فرشة الرسام و الفبركه ..
سعد حميد الثبيتي :
شيختي ورث و إلا غيرها مَ يدوم /:/ و أنت دور طريق العافيه و اسلكه ..
يَ كبار العلابي يَ كبار الجروم /:/ الله اللي عطاها مار ماش بركه ..
بندر غزاي المقاطي :
بَ الدوادي يجيب الأولي فَ الرقوم /:/ و غيرها مَ يفيد و لو له دمبكه ..
مَ طلبنا الرخوم و لا طلبنا القروم /:/ رزقنا بَ أمر ربً يغلق المفلكه ..
سعد حميد الثبيتي :
أنت غرتك يَ بندر كثير الحلوم /:/ اللغه واضحه لكن بك لكلكه ..
الصقر نعرفه و البوم مرجاع بوم /:/ مير خلك مع أهل الطبل و الدربكه ..
بندر غزاي المقاطي :
حجتي واضحه ماني بَ راعي لزوم /:/ كيف تبهت هل الطايف و أهل مدركه ..
لو نجيب الحرار اللي علاها العلوم /:/ تحسب إنها دجاجً طايحً فَ شركه ..
سعد حميد الثبيتي :
مَ أنت راعي لزوم أرتاح و أنت مخدوم /:/ و السيوف الصوارم شغلها المعركه ..
أنت فَ الأرض باقي مَ وصلت النجوم /:/ معدنك تو يبغى يَ الشلي حكحكه ..
بندر غزاي المقاطي :
كل عامً و شهرً كل ليلً و يوم /:/ أنصحك مير قلبك ماله أي حركه ..
مَ غزينا بَ سيفً فيه شين الثلوم /:/ ضربته تبقي الرجال في مبركه ..
سعد حميد الثبيتي :
الشلاوى تراهم يحشمون البقوم /:/ مَ لهم شف فَ التعقيد و الشربكه ..
أنت مَ أنته بَ لا معطى و لا أنت محروم /:/ شد حيلك و جنب عن هل الشكشكه ..
بندر غزاي المقاطي :
ليه عميت قوم و ليه خصيت قوم /:/ و أنت مَ معك فانوسً و لا مفركه ..
المطوع لبس فَ السوق زين الهدوم /:/ مَ درى فيه ناس عايشه فَ ضنكه ..
سعد حميد الثبيتي :
أثر ميزانكم فَ الوزن طالع غشوم /:/ دقق الوزن و إلا يَ العميل اتركه ..
أحمد الله ترى ربي كريم و رحوم /:/ و أعرف الرزق يأتي بس يبغى حركه ..
و شكر خاص مني و من أبو فواز لَ كل من مر من هنا سواء علق أم لم يعلق ..