وجدت قصيدة للشاعر عبدالرحمن المسعودي
على الرابط
http://www.alqwafel.com/vb/showthread.php?t=19635
قال إنها رد على قصيدتي ((عمرها فوق ستين))
أولا: المفروض يطرح قصيدته كمجاراة لأن الرد يكون من الموجهه له القصيدة
ثانيا: قصيدته شطحت عن الهدف اللي أنا طرحته واتهمني بالعشق وهذا يوجب أقيم عليه دعوى وعليه أن يثبت بالبراهين القاطعة والشهود العدول
وثالثا: صح لسانه وهذا ردي عليه كيبوردي صباحية علها تروق لكم
وجزا الله خيرا من ينبهني لأي خطأ
ابن هليل يعشق الطيب ويحس=ماهو بمن يصفق على يسار بيمين
شاعر يروض للقصائد من الحدس=ماهو مقلد مثل ناسٍ(ن)غشيمين
يلبس ثياب جداد مايلبس المرس=ماشي على درب الهدى حافظ الدين
ياخذ ويعطي طيب ما يقرب النجس=معروف من ماضي زمانه لهلحين
وترى الأسد ياذيب لو شابه البس=الفرق شاسع مايحاوج براهين
وترى السباع أنواع بالشكل والفرس=والشعر للشعار عدة ميادين
مايتفق ياصاحبي جنس مع جنس=الله مرتب للخلائق قوانين
يابائعٍ(ن)للورد لو تعرف الغرس=ماكان بعته لو دفع لك ملايين
درب اليمين يمين لا تتجه عكس=قال المثل لا تقضي الدين بالدين
ترى الكلام الزين ما يعدل الهلس=واللي يحب الزين ما يشري الشين
وليا شعرت إنك محاوج تبي عطس=خل العطيس بعيد لا ترشح الطين
ثم احمد الله واشكره واترك الملس=وكل سلعةٍ(ن)تلقى من الخلق شارين
بعد إن ردك عن هدف شاعره هس=خل الرمي بعدين والحكم بعدين
اللي يحاوج كبس نثنيه بالكبس=واللي يجي باللين نرخيه باللين
العين فيها عين والنفس بالنفس=والعين بحروف الهجا تشبه الغين
هذي جوابي مابعثته بلـ!! ام اس!!=ماني بشاعر حد شعره لبيتين
شاعر قصيدي تنطقه السنٍ(ن)خرس=بالفكر مخزني ميات الدواوين
ماتدري إني رقم واحد على غيتس=يامعلم الأجيال للجيم والسين
ابن هليل يعشق الشعر ويحس=ماهو بمن يصفق على يسار بيمين