سلم الرجال اتقدر الجار والضيف = وتقول كلمة حق وقت الشهاده
لكن في ذا الوقت ياحيف ياحيف = والله يجنبنا طريق النقاده
ياكثر ناس(ن) تكثر الكذب والزيف = وتجامل المخطي تدور وداده
يصنفون الناس بابشع تصانيف = ماهي شطاره هذي اكبر بلاده
والبعض الاخر كلمته تشبه السيف = يقول كلمة حق قدام قاده
والشعر ميداني وانا فيه حريف = وعندي على الصعبات صبر وجلاده
والحمد لله مالحقني تحاسيف = وامشي على دربي بثقل وركاده
ماهمني من يكثرون الغطاريف = من يرسم الاهداف يبلغ مراده
رسايلي ضمنتها فاالمظاريف = مضمونها واضح وفيه الافاده
سلم الرجال اتقدر الجار والضيف = وتقول كلمة حق وقت الشهاده