أسعدكم الله بكل زمان ومكان
للشعراء نصيب من استفزازي لهم
وللمطاوعة نصيب من مشاكستي لهم
ولمرجانة نصيب من سفري معها عبر مجرات الفضاء
مترامية الأطراف عالم بلا حدود ولا قيود
ولكم أنتم تقديري
مرجانتي وافق قصيدي لحنها=أزعل ليا غابت ولن جات روقت
ياحلوها من كلمةٍ(ن)جات منها=تقول:أناجربت للشوق وإشتقت
إشتقت لك ياللي ضلوعي سكنها=غرامك وحبك بعد ما تحققت
إن القلوب اللي هوانا فتنها=هي سبتٍ(ن)لأحلام فيها تعلقت
تسكن وطن بالكون ماهو وطنها=وياما بها فوق المجرات حلقت
أدورك ياللي حياتي رهنها=في عالمه قيدتني فيك وأوثقت
غرامك اللي بالحنايا طحنها=ليل السهر وأتلفت للقلب وأحرقت
أتبع طيوفك ما يوقف ظعنها=ياما بها غربت فكري وشرقت
هذي حياة الحب هذا ثمنها=ماهي خسارة فيك دامي توفقت
في حب من شعري يداعب شجنها=اللي تقول إني بشوقي تمزقت
هذا كلام الشوق مردود عنها=عنوان شوقك ياهوى ما تعمقت
ياحلوها من كلمةٍ(ن)جات منها=تقول:أناجربت للشوق وإشتقت