هذه القصيده ردا على قصيدة ابن هليل التي اسماها (ابن مسعود لو معه جناح بذمتي ليطير)

ابن مسعود في حاله ولك حشمه ولك تقدير = يصلي الفرض في وقته وقبل الفرض يتوضا

وانا شاعر واعبر عن شعوري واتقن التعبير = اصور حالتي واشكي والوم الوقت والحضا

وانا ماني من الي يعشق التطبيل والتزمير = تضيق اصدور خلق الله لاجاها الهم منقضا

ولاني معترض لله واعرف ان القدر بيصير = واعرف الموت مافرق مابين اصحاح والمرضا

ولكن من كبت همه بصدره والشهيق ازفير = يجيه الضغط والسكر وعنه الناس تنفضا


مقادير الله تصيب الناس مابين العسر والتيسير = وان مؤمن بشرع الله ايمان(ن)كاملا(ن) محضا

وانا ماجيتك اشكي لك ابي منك خبز وشعير = وانا في خير من ربي واوفر كامل المقضا

زمانك ياوسيع البال يكشر نابه ابتكشير = وتحس ابقرصة اسنونه وعضا من بعد عضا

واكيد انك تبي اتدور صديق ابدون اي تاخير = وتشكي من بلى الدنيا وتنسى القول والوعضا

ابن مسعود في حاله ولك حشمه ولك تقدير = يصلي الفرض في وقته وقبل الفرض يتوضا