اقتباس :
المشاركة الأصلية كتبت بواسطة عبدالرحمن عويض المسعودي
[ مشاهدة المشاركة ]
|
يازارع الاشواك
يازارع الاشواك مافيه محصول = لو كان دمع العين كله يهلي
هذي حقيقه لاتقل غير معقول = ولا ترتجي كلمة يااليت ولعلي
الناس تفهم ماهم ادلوخ وخبول = لا تحسد المسلم لاشفته يصلي
محد(ن) يلوم الي على الدين مجبول = الا الذي عقله يجي تيرللي
وهذا يسمونه ترى شخص مغزول = الي لقاه ايقول خله يولي
يمرق ووجهه باالمرق دوم مغسول = ولو راح يرعى فاالصحاري يفلي
لا حول من بعض المقاريد لاحول = يخطي عليه وانا داخل محلي
يازارع الاشواك مافيه محصول = لو كان دمع العين كله يهلي
|
عزالله انك ماتحاسب علي طول = تنزل علي العالم سوات المظلي
وش انت يوم اتعارض العبد واتحول=كلك علي بعضك ثلاثين ملي
انت اتحسب خليت هالقاف مقفول= ماتدري افكه ليا جيت كلي
وينك ووين الحب ريح يابالهول = الحب عندك شي مثل التسلي
هذا الهذيلي مات مامنه مفعول = من حقرت الغزالان قلبه محلي
يرقد نهاره واخر الليل مشغول= فالهند والبيلوت يسرق ويجلي
وان شاف باسواق الذهب عنق مفتول = يقول ياليل الهوي ماتخلي
جاك ايتهبد كنه الخط مفصول = مايسمع الشرطه تصيح وتعلي
حتي سلوبه شر ماهوي مقبول =رقمه يحذف تحت ويقول شلّي
هاذي علومك كلها وانت مسؤؤل = ها قدم اعلومي يالهذيلي وقلي