للتواصل بدون فاصل
اليكم ما جاد به المساء
أبيات علها تروق لكم
أنا اليوم مريت المدينة وعديت=تعديتها وحبيب القلب فيها
تنهدت يوم إني مع الدرب مريت=عيوني تبيها والمشاعر تبيها
قهرني زماني لين بالصوت ونيت=قريب لكني عاجز اليوم اجيها
يصح الهوى بالقلب هاثم غنيت=قصيدٍ(ن)بلى روحي وهي مبتليها
هواها سكن بعروق جسمي وهليت=حوت للحلا والسحر ما قال فيها
وأنا كيف أسوي بعد بالحب طبيت=فؤادي وفكري والشعر مهتويها
ترافق خيالي كل ما رحت وإن جيت=وحلم الليالي بالعمر يرتجيها
هواها رفيق الروح لأقبلت وأقفيت=وقلب العنا في داخله محتويها
معي طيفها في كل ليلٍ(ن)به أمسيت=يغازل مشاعر في حشا ما نسيها
ختام القصيد أدعي لمحبوب حبيت=عسى الله من جور الليال يحميها
وبقضي بقايا العمر من ليت في ليت=حلومٍ(ن)تراودني غصب بمتطيها
لعل الزمان يجود لن عدت عديت=أعود لدار حبيب القلب فيها