أسعدكم الله أين ما كنتم
العلم لكم خير ...كنت نائم لا مني و لا علي وجاتني مرجانة تقول وين القصيد الليلة
حبيت أطيب خاطرها فتشت بأوراقي ولقيت ها الأبيات علها تروق لكم
يا غائبٍة عشرة شهور=كيفك على طول الغياب
مابيننا حالت بحور=غير الصحاري والسراب
ولا زلت باقي بالشعور=قلبي من الأشواق ذاب
يستنشقك زهر وعطور=حبك غذاء زاد وشراب
ياوردةٍ(ن)بين الزهور=يانجمةٍ(ن)فوق السحاب
يأجمل جميلات القصور=وأرق من حطت خضاب
ياشامخة عز وغرور=أعلى من جبال وهضاب
جميلة أحلامي تزور=طيفك وترجع لي إياب
شوفتك تجلب لي سرور=وغيبتك تترك عذاب
متى تشرفني بحضور=تحيي أمل من عقب خاب
يشفي مواجيع الصدور=اللي غدت منها خراب
قدام ندخل بالقبور=ونروح من تحت التراب
يا غائبٍة عشرة شهور=كيفك على طول الغياب