ياشينها لاقالوا افلان فتان
ياشينها لاقالوا افلان فتان = ينقل هروج الناس لاجل النميمه
اما يزيد الهرج والا بنقصان = كله لاجل نيته ماهي سليمه
يفتن مابين الناس ويشب نيران = باالذات مابين النديم ونديمه
فيه الحسد والقلب لاشك مرضان = ونفوس خلق الله بعضها سقيمه
في كل هرجه يحلف ايمان وايمان = لو كان حلفانه بكذب وظليمه
واذا كشفته قال لك زلة السان = ويبرر التهمه بقصه عقيمه
مايعترف ويقول انا كنت غلطان = وعادت حليمه للعلوم القديمه
ياشينها لاقالوا افلان فتان = ينقل هروج الناس لاجل النميمه