أسعدكم الله
كنت أعشق السهر في ضوء القمر
لكن حينما يبلغ الشهر أخره ويتأخر طلوعه فلا لذة ولا متعة بسهري
فأنا من عشاق النور لا الظلام
لذا قررت أن أكتب لكم في وضح النهار وتحت أشعة الشمس الذهبية
صباحكم ورد وفل
اليكم هذه الصباحية قبل الإقلاع لمعترك الحياة
غيبتك عني كملت تو لأسبوع=أسبوع يا ثقله ولا تشعريني
يا قاسية أسبوع والقلب موجوع=ما هان لك عن حالتي تنشديني
القلب ينزف منه شريان مقطوع=اللي يضخ الود بينك وبيني
أصيح بك ما كن توحي لك سموع=كنك على حبي تبي تعاقبيني
ما كني إلا طفل من داب مريوع=أصيح ودي تفزعي تحضنيني
لكن يا هيهات ما فادني لوع=ما عدتي اللي قبل ما تفارقيني
كني سجين من الزيارات ممنوع=حراس سجني مانعك ما تجيني
ياللي غرامك داخل القلب مطبوع=قلبي نزف لك حب عدة سنيني
هذا جزاء حبٍ(ن)من أعوام مزروع=تمضي عليك أيام ما تذكريني
ما تدري إن الوصل للولف مشروع=وأنتي بديتي للوصل تقطعيني
شكل الهوى من داخلك صار منزوع=تصرفاتك كنك اتجامليني
أفز من نومي من الخوف مفزوع=خائف بيوم تقرري ما تبيني
ما عاد لي في مقبل الوقت موضوع=إلا التوجد يالله إنك تعيني
بعد غيابك كمل اليوم لأسبوع=أسبوع يا ثقله ولا تشعريني