أسعد الله أوقاتكم بكل خير
بدون مقدمات اليكم الأبيات
لا تذبح القلب بالهجران والصدة=القلب ما يحتمل بعدك وهجرانك
الشوق واصل بروحي يالغلا حده=ودي بليلة عمري تدفيني احضانك
الوجد ينحت ضلوعي لا بعث جده=أساهر الليل من شأنه ومن شأنك
يا شوق روحي عليك الروح منحده=ملكتني بالهوى ياقاهر أقرانك
لكن ما شفت من عينك ولا لده=متى تكحل عيوني شوفة أعيانك؟
النفس صارت عن الزينات منسده=والقلب ملهوف يرجي مدة إحسانك
وشلون ترضى على مغليك بالشده=لا صار هذا جزاك بخير خلانك
عز الله إن الأماني حتم منهده=لن صار جودك كلام حدوده لسانك
ماني بصاير غني من هذي المده=لو تحلف بربنا ما أصدق أيمانك
لكن قلبٍ(ن)عطيتك بالحيا رده=ما عاد أنا محتمل زودك ونقصانك
لا تذبح القلب بالهجران والصدة=القلب ما يحتمل بعدك وهجرانك