دام انا واياك في دور البطوله
لو حكوا فينا العواذل ماعلينا = دام انا واياك في دور البطوله
ولايهمك من كلام الحاسدينا = الي تفرح بالحكي ساعة نقوله
ثم تزود في الحكي وتقول فينا = هرج ماقلناه وتزود فصوله
خلي اذنك طين والاخرى عجينا = والعنب ما كل من حاول يطوله
وش نسوي دام في الحب ابتلينا = وارتباط ارواحنا منذ الطفوله
وانتي لي ياغاليه شاطىء ومينا = لارتميت بحضنك همومي مغسوله
قلبي بقربك نسى هم السنينا = وضمتك راحه وكلمتك معسوله
لو حكوا فينا العواذل ماعلينا = دام انا واياك في دور البطوله
