لا ذعذع الغربـي عقـب دشـت سهيـل=
هــب الـبـراد وخالط الطـيـب بالطـيـب
وهبـت بعـد شـب الـسـدر ريـحـة الهـيـل=
اعصيـر قبـل نــودع الشـمـس وتغـيـب
فــي روضــة ٍ باطرافـهـا يـجـري الـسـيـل=
فـي خـوة اللـي نومتـه نومت الذيـب
ذاك الــذي لا فــز أم الـــرجـــاجـــيـــل=
وبـعـد الـصـلاة يـفــول التنك بالـجـيـب
يـبـغـي مـع المغباش درب التساهـيل=
والـيا ابـتعــد تلقــاه فوق الـمـراجـيــب
امشغـل الايكوم علـى الجيـب ويشـيـل=
شــلات عــود ٍتبـري الـجــرح ويـطـيـب
ولا شــلهـــا مثـلي قبل يــدخــل الليـل=
كــل ٍ سـرح بالفاتنات الرعابيب
والكـيـف زان بـمـردفات الفنـاجيل=
عنـد الـذي يودي بالافكار ويجـيـب
وعنده عـلى التكية جميل التفاصيل=
النادر اللي مالحق وصفه العيب
ذاك الذي مـثله على الكف ماشيل=
حراًعديداً صافي الريـش ورغيب
أحمر شـليله كامل الدق بالذيل=
واليا طرد يظهر من الغيم ويغيب
واليا تعـلا هامة الخـرب بيسيل=
سيلت شعيبٍ منحدر من مراجيب
وذاللي دعا المشتاق من اول سهيل=
عند المقيض يجّمع الريش بالجيب
وماهمه الدنيا ولا القـال والقيـل=
وطيب النوايا تكسب الطيب بالطيب