أسعدكم الله
الأبيات بدون مقدمات
قال السديري حكمةٍ(ن)للرجالي=تحكي بها العراف في كل مجلاس
(ليا خاب ظني بالرفيق الموالي=مالي مشاريهٍ(ن) على نايد الناس)
وانا أشهد إن الحكي بعضه زلالي=يروي كبود ويقعد لمايل الراس
ليا خف عقل الرجل صابه هبالي=يفرغ من الحكمة مثل فارغ الكاس
وأكبر مذلة للرجال السؤالي=ومن لا يدوس الصعب بالسهل ينداس
ومن لا يدور بالحياة المعالي=يبقى ذليل ومكسبه فقر وإفلاس
والحال لا من صار فيه إعتلالي=يختل نبض القلب ويخل الأنفاس
ومن لا تذرى في شموخ الجبالي=ما يمنعه بيتٍ(ن)تشيد بلا ساس
ينهد فوقه من غزير الخيالي=ما يمنع لعاصف ولا هب نسناس
ولا كل لامع كنز لو كان غالي=لمع الزجاج مشابهٍ(ن)لمعة الماس
الفرق بيَّن بينها بإحتمالي=صلابة الألماس للمأس مقياس
ومن لا تحرى للورع والحلالي=لو غرته دنياه موعود بإتعاس
كل ما عدا الرحمن حكمه زوالي=ومن لا يصدق مثل طبَّاخ للفاس
سبحانه المولى رفيع الجلالي=ما بيننا وبينه لما راد حراس