مساكم ورد وفل وكادي
الأبيات بدون مقمات
قالت تبي تكشف على عقل دكتور=مدري هدفها بس تخرب مزاجه
يا صاحب الصورة ترى الإسم مشهور=مرسوم قدامك وفيه ابتهاجه
يهدونه العشاق للحب دستور=رمز النقا بالناس زايد رواجه
لونه جميل ويدخل قلوبنا سرور=ريحه يرح صدر مكروب لاجه
الصورة اللي جنبها ورد وزهور=سوت بقلب اهل الغرام ارتجاجه
فجأة تحرك لأجلها شعر وشعور=في داخل الهاجوس صار امتزاجه
يالوردة البيضاء غلب عطرك اعطور=عطرك نقي شفاف مثل الزجاجه
لن شمه المغرم غدى مثل مسحور=ما عاد يعرف كيف يلقى خراجه
ينسى لذاته لا ذكر جنة الحور=وده يعيش ابها ويضحك حجاجه
وأنا أشهد إنه يا هل الود معذور=الورد يترك بالصدور انبلاجه
مير البلا لا صار من دونه عثور=وإلا حصل بالجو ريح وعجاجه
يرجع مثل ما كان ضايق ومكدور=الحظ يتعب كان فيه إنعواجه
واكبر مصيبة قلب لن صار مكسور=يصعب شفاه ومستحيلٍ(ن)علاجه
وختامها يالله يا منزل الطور=تكتب لنا من بعد عسر إنفراجه