الحمد للي عزنا في وطنا
الحمد للي عزنا في وطنا = والشكر للمولى على امن الاوطان
من عاصر الماضي عرف كيف كنا = كان الجهل والعنصريه لها شان
كانت تدور حروب تفتك باهلنا = وثارت فتن تشبه لثورات بركان
واكثر كلام الناس حنا وحنا = واكثر تفاخرهم انا جدي فلان
هذا يقول اليوم حنا فعلنا = وهذاك يرقص في نواظره شيطان
واليوم طاب الحال والطير غنا = غنا بحلو الصوت عذبات الالحان
(الحمد لله جت على مانتمنا ) = صار الامن والخير للدار عنوان
عم الرخاء في كل شبر ببلدنا = وفي ظل آل سعود اصبحا اخوان
الحمد للي عزنا في وطنا = والشكر للمولى على امن الاوطان