بسم الله الرحمن الرحيم
توكلت على الله
لبيك اللهم لبيك
أحمد الله وأشكره جزل العطا=ما خفاه الحال في كل الأمور
العَسر معروف ما يشبه وطا=مثل ما يفرق شعورٍ(ن)عن شعور
قلت شعري بعد ما شعري سطا=دار فوق الهجس والهاجس يدور
يا رفاقي كل حيٍ(ن)يغلطا=ماش معصومٍ(ن)لكن ربي غفور
بعدها بغيب وإن طال البطا=السموحة والدعاء بالغيب نور
ماشيٍ(ن)للحج وأحث الخطا=مير يا الأصحاب يامال السرور
سامحوني كان جا مني خطا=واستروني كان جا مني قصور
الصديق لصاحبه ستر وغطا=وإن تعذر من خطا قال معذور
حللوني بدون شرطٍ(ن)يُشرطا=المسامح زين والدنيا مرور
التخفي يتقنه طير القطا=الصراحة تغسل لغل الصدور
العلاج أحيان شرطة مشرطا=الوفا والطيب سلعة ما تبور
أحمد الله وأشكره جزل العطا=ما خفاه الحال في كل الأمور