حبيبتي انتي ترى راحة البال
حبيبتي انتي ترى راحة البال = وانتي هناي ان ضاق صدري وعانيت
في غيبتك دمعي على الخد همال = واذا حضرتي قمت لاجلك وفزيت
يافرحة سنيني ويا كل الآمال = لاشفت زولك قمت ارحب وهليت
يطيب جوي لانشدتي عن الحال = ويزول عن قلبي هموم وتناهيت
حبك سطى بالروح من جال لاجال = وماغير قربك ياحبيبي تمنيت
ويحق لك يازين تمسي وتختال = ويحق لي افرح بطلتك لاجيت
ياما سهرت الليل اجر موال = وياما حبيبي لاجل عينك تغنيت
حبيبتي انتي ترى راحة البال = وانتي هناي ان ضاق صدري وعانيت
