ذكراك تنعش خافقي ياحياتي
ذكراك تنعش خافقي ياحياتي = واسرح مع طيفك واداعب خيالك
انتي ملاك الكون وانتي حياتي = ولاهمني ياكود لحظة وصالك
حبيبتي منك تغار البناتي = ياغايضتهم في حلاك وجمالك
سبحان من سواك باجمل صفاتي = في رقتك واناقتك وبدلالك
ريقك عسل وذاب بين الشفاتي = يابخت من ذاقه وساكن ببالك
فعيونك النجلاء اشوف امنياتي = ويرتاح بالي حين يرتاح بالك
في غيبتك عني تراني احاتي = ولاشغل بالي سوى كيف حالك
لانك سكنتي الروح في وسط ذاتي = وماغيرك احد جوف قلبي لحالك
ذكراك تنعش خافقي ياغناتي = واسرح مع طيفك واداعب خيالك
