الأبيات
....
شهرين ما جاني خبر عن حبيبي=يالله يكون بخير وإنك تعافيه
البعد من دونه ولا هو قريبي=ليته قريًب كان هالساع بجيـه
لكن حسافه حال دونه نصيبي=واللي كتب للعبد لا بد ياتيه
أبعد عليًه من شروق ومغيبي=وأقرب لقلبي من عروقِ(ن)تغذيه
وأنا أشهد إن الشوق للقلب ذيبي=في كل ليله لج جوفه تعاويه
يا وجد حالي وجد منهو صويبي=على الوليف اللي حلومي تراعيه
رغمه حبيبي صرت كني غريبي=تمرني أيام مسمع مناديه
أصيح له لكن عيا يجيبي=صوتي قصر وإلا صداه متعديه
مدري لكن الوضع باين صعيبي=حالٍ(ن)يقربني وحالٍ(ن)يوديه
جرحي بقلبي حار فيه الطبيبي=تعبان منه القلب وأتعب مداويه
نزف الهوى بالجوف فيني رهيبي=على قصيدي بايناتٍ(ن)مواريه
شهرين ما جاني خبر عن حبيبي=يالله يكون بخير وإنك تعافيه