الأبيات بدون مقدمات
...
يا هلي نوم عيني ماهو بكيفها=والسبب من شغل قلبي حلا عينها
كل ما جيت انام وزارني طيفها=طير النوم من عيني وهي وينها
السهر صار عادة مقدر أعيفها=لين ترجع وأحط ايدي بيدينها
كان غابت جسد عندي تواصيفها=خافقي ما نسى لو لحظةٍ(ن)زينها
حيف الأيام حدتنا ويا حيفها=شحت بزينها وأبدت لنا شينها
جادت بشينها وأخفت معاريفها=بعدت ولف قلبي بعد توطينها
الحشا صار موطنها بتصريفها=والشعر والمشاعر ملك ليمينها
ياليال السهر غني محاريفها=بلغي للعذول وقولي بحينها
عيت النفس تعذر من مواليفها=والمسافة بعيدة بيني وبينها
القدر مبعدٍ(ن)سيفي على سيفها=والقدر قرب القلبين في لينها
المقادير ما نملك لتصريفها=الله اللي عليمٍ(ن)في قوانينها
مير بسهر ونفسي شاربة كيفها=السهر صار راجح في موازينها
الرجال الوفية في مواقيفها==ما تغير وفاها ولا دينـها
يا هلي نوم عيني ماهو بكيفها=والسبب من شغل قلبي حلا عينها