أسعد الله أوقاتكم
الأبيات
...
يا سر الغرام اللي سكن فيني سنين=أنا وأنت بالأشواق ما بيننا فرق
غرامك مهد له في خفوقي ميادين=مراسل خفوقي ناشره عنك في سبق
يقول:المراسل حجته بالبراهين=وأنا أقول:ما قاله:حصل واقع وصـدق
كتبتك على صدر القصائد عناوين=ورسمتك على وجه السحائب سنا برق
تسامر مشاعر بالحشا ضامها البين=كما جمر تحرق خافقي بالهوى حرق
ليا من ذكرت اللي مضى يا اريش العين=تهيضت بلحون القوافي على طرق
هجيني ومسحوب ومواويل تلحين=تنوح القصائد مثل ما ناحت الورق
تغني غرام وشوق وأحيان يازين=ترجع صدى صوتٍ(ن)من الوجد يخنق
خنقه الهوى والبعد يقهر محبين=صعيبٍ(ن)نقرب مغرب الشمس للشرق
ياست الهوى في قلب عاشق على وين=نسوق العمر دام القهر دقنا دق
أراقب مجيك وأتمنى وتمين=يجود الزمن في جمعنا واللقا حق
يا نبض الهوى بالروح بالحال تدرين=من أول سنين العشق والقلب منخق
هويتك وأبي لقياك مثل المودين=لكن يا حسافة حظنا ياغلا عق
ظروف الزمن والحظ يابنت نذلين=تعاند هوانا ما بعد قلبها رق
لكن فيك بكتب من قصيدي دواوين=ما دام الهوى بيسارق أرواحنا سرق
نعيش بحياة العشق عيشة سلاطين=ونترك حياة الذل والذل ينطق
نكمل مسيرة عشقنا والقسى لين=حياة الحرار أخير من عيشة الرق
أنا قلت وأنتي يالغلا وش تقولين=صحيح الخبر وإلا كلامٍ(ن)ملفق
أراق جوابك وأنتظر وش تردين=على شأن نقنع للهجوس المطفق
يا سر الغرام اللي سكن فيني سنين=أنا وأنت بالأشواق ما بيننا فرق