طابت أوقاتكم
ياريحة الياسمين والورد والفل=بعد غيابك لا تسالي عن الحال
كل شيء فيني يا غلا صار مختل=حتى كلامي والهواجس والأفعال
الدم بعروقي من الضغط معتل=والصدر كنه يرجفه هز زلـزال
إن كان عندك حل عجل لي بحل=وإلا فداك الحال يا عذب الأقوال
الصبر من طول الزمن والهجر مل=طال إنتظاري جيتك والصبر طال
قل لي متى صادق مواعيدنا قل=لا تترك الأوهام للحب تغتال
ترى غلاك أغلى من الروح والكل=لكن زماني حط من دونك أهوال
بأسبابها عقلي غدى شبه منشل=والرجل حارت من مسافات وأميال
ذبحتني بالهجر يا سايق الدل=نارين تشويني بمقفا ومقبال
تكفى تجمل خل عنك الهجر خل=لا تذبح الأحلام وتضيق البال
تعال وإلا هل وأجيك يا خل=اللي تبيه يصير من غير ما تسال
يا مرحبا لن قلت لي جايك وهل=يكفي تبلغني قرارك بمرسال
دامك معي موجود لا يمكن تذل=أخذ كلام وفعل من رأس رجال
ياريحة الياسمين والورد والفل=بعد غيابك لا تسالي عن الحال