أسعدكم الله
يا مرحبا رحب المطر من مخيله=يرو الكبود اليابسة صافي المي
جيتك من عقب البعايد جميله=بعدك عني يا غلا حظي السـي
اخذك عني من هويتي شليله=وأنا نسيتيني ولا كني بحي
ناديت لين الصوت هديت حيله=والقلب من زود اللواهيب مبلي
وين الوعود الواجدة والقليله=وين الكلام اللي يداوي من الغي
وين المشاعر والشعور الأصيله=اللي كبود العشق تيبس وتروي
كنتي لنا روح وغرام وخليله=واليوم صرتي خلةٍ(ن)ظل مقفي
مدري وش اللي غيرك ياكحيله=بعد لويتي خافقي للهوى لي
بعد الكرم صرتي شحوحٍ(ن)بخيله=الهجر مر وما هقيتك بتسقي
قلبي من الهجران زايد عويله=الهم طاوي خافقي ياغلا طي
ما عاد يطرب بالبكاء ينبكيله=ولاعاد ينفع للطرب عازف الحي
يا مرحبا رحب المطر من مخيله=يرو الكبود اليابسة صافي المي