طابت أوقاتكم
شاقني من يغني جميل الطروق=فوق مشراف ما يرقاه غير الحـرار
فوق رأس المنيف اللي تعلاه فوق=ريم جر اللحون العصر تال النهار
جر صوته وهيض هاجسي والخفوق=ذكر القلب باللي فات والفكر دار
يا جميل اللحون ويالجميل الخلوق=إرفق بحال شاعر من لحونك يغار
إرتفع ضغط دمه في جميع العروق=والخطر لا يصيبه بالخفوق إنفجار
إرحمه لا تزيده حرق فوق الحروق=كافي اللي مضى له لا تزوده نار
وإن تماديت في غيك ظلمت الحقوق=كيف ترضى على غيرك يذوق المرار
خل عندك محنية ورقة وذوق=لا تحمل ذنوب ولا تسوي عوار
يالعنود المذير بالرفوق الرفوق=عمرنا عمر واحد ماش غيره عمار
ذقت ما ذقت قبلك وأنته اليوم ذوق=جرة الصوت يالمشراف رمز وشعار
مير حول عن المشراف وإهدأ وروق=يمكن الوقت ينسينا وما صار صار
وإن عجزنا لا ننسى يالصديق الصدوق=أعتقد صبرنا تاليه فيه إنهيار
إن عجزنا نكمل سيرنا من عيوق=بوعدك ما بغير لين أموت المسار
غن ما هو طرأ لك من جميل الطروق=فوق مرقاب ما يرقاه غير الحرار