يشهد الله يا غرامي لو ليلة ما نسيتك=اللقا اللي صار في ذيك العشية ما نسيته
كل ما هبت هبوب الشوق سرتني وجيتك=جئيت ادور بالمكان اللي قبل عامين جئيته
جئيت قبلك بالمكان بنص ساعة واحتريتك=حسب موعدنا القديم اللي بخفاقي خبيته
ضاق صدري حين مريت المكان ولا لقيتك=اظلم الكون بعيوني يوم نورك ما رأيته
سابقتني عبرة العين الكريمة ثم بكيتك=من غلاك العين هلت وبلها اللي ما بغيتـه
ليتني يادربي اللي جئيت اسجك ما مشيتك=انكسرت وعادت أدراج المسير اللي مشيته
عدت بالونات والذكرى القديمة واشتكيتك=للخفوق اللي تولع في هواك وما شكيته
حيثك أغلى في حياتي من حياتي ماسليتك=من سنين أذكر تلاقينا وعمري ما سليته
كيف بسلى لحظةٍ(ن)جابتك يا خلٍ(ن)هويتك=مستحيل المستحيل أنساك ياحيٍ(ن)هويته
يشهد الله يا غرامي لو ليلة ما نسيتك=اللقا اللي صار في ذيك العشية ما نسيته