هذي بلاد الخير
(ياسيدي سلمان مافيها خيار = ارواحنا دون الديار نسوقها)
نموت ويعيش الوطن عيش ازدهار = نفدي ترابه تحت الارض وفوقها
ماهمنا في الوقت قصاف العمار = اهم شي انا نحفظ حقوقها
هذي بلاد الخير وبلاد الحرار = نخله تذوق الناس حلو عذوقها
منها طلع نور الهدى شمس النهار = مهد الرساله مستقر شروقها
شعارها سيفين تعني باختصار = ياويل من فكر بيوم يبوقها
بالحزم والهمه نصدر للقرار = ترعد سماه وتستنيض بروقها
وتمطر عليه رصاص ويشوف الدمار = والارض تشكي من كثير فتوقها
ياسيدي سلمان مافيها خيار = ارواحنا دون الديار نسوقها