ياليل وين النوم ما زار عيني=
على الفراش أنطر مجيه ولا جا=
حال الأرق مابين نومي وبيني=
ماني بلاقي منه ياليل ملجjا=
صار السهر للعين عادة سنيني=
أحج بالهاجس على غير حجا=
سويت للهاجوس من ماش ديني=
يجمح جموح الخيل مع كل فجا=
أبي لعل النوم قلبه يليني=
على عيوني وأطلبه وأترجا=
لكن حسافة نوم عيني لعيني=
كل ما قربته يا هل النوم هجا=
الله على حالي وحاله يعيني=
بواصل المشوار وأسكن والجا=
على خيول الصبر ناقل ونيني=
لو الخيول مع المسافا عرجا=
لين الثرا بعد العنا يحتويني=
أنا وليلي في سوالف وهرجا=
ياليل وين النوم ما زار عيني=
على الفراش أنطر مجيه ولا جا=