يا سر الغرام اللي برا لي ضلوعي=وش الحل في شوقٍ(ن)تعدى حدوده
ترجيت فيك وقلت ما أنت بقطوعي=شريك الهوى لا بد يبذل جهوده
ومرت سنين وحالنا يالفروعي=تزايد مواجيعه وتكبر لهوده
تهلين من نجلك غزير الدموعي=ورعد السحاب تهز صدري رعوده
شكينا مواجيع الهوى والجزوعي=وأشوف الوجع والشوق بيزيد زوده
متى ينتهي يا بنت روعك وروعي=نهزم القهر والعمر يلحق مجوده
نسق الكبود اليابسات بسنوعي=نذوق الهنا ونكيد ناسٍ(ن)حسوده
نسامر هوانا تحت نور الشموعي=وصمت الهوى يكسر لقانا قيوده
نعوض زمانٍ(ن)فات ماله رجوعي=نعيش الهنا والجرح نلقى ضموده
نحس الفرح بالعمر لو هو سبوعي=وقلب الشقا ما عاد يشكي وجوده
تعرفين عني ما خفي من طبوعي=وقلبي على كفيك ينشر سدوده
يا سر الغرام اللي برا لي ضلوعي=هذا الحل في شوقٍ(ن)تعدى حدوده