ياصباح الخير والدنياعوافي =إبتسم وابدا صباحك وأنت راايق
لأشرقت شمس النهار وجو صافي=اذكر الله واشكره لو كنت ضايق

أشرقت شمس الهنا ما عاد خافي=نورها عم الصحاري والحدايق
قمت أصبح فوق مجمول الرهافي=عشقي اللي تو من مرقده فايق
يا صباح الخير يالشوق الخرافي=يا رفيق العمر في كل الحقايق
يا هلا بك لو هلا ماهو بكافي=منزلك بالعين وفؤادي موايق
موطنك بالقلب من خلف النحافي=اسكن اللي تسكنه عين وعلايق
دامك بقربي فما عندي خلافي=يا حرير العشق من بد الرقايق
ليلي ويومي معك تالي مطافي=يا هناتي كان ما دونك عوايق
يأول أحلامي وتالي كل وافي=يا ربيع العمر يا زهر الشقايق
الك مدري منك لهفي وإرتجافي=ومنك شبت بالحشا فيني حرايق
حين كنت بعيد كان النور طافي=يا ضيا عيني على كل الطرايق
يا غرام العمر ياعشق السنافي=بيني وبينك من اللهفة وثايق
لا تخافي من بعادي لا تخافي=كافي اللي قبل فالأيام ذايق
حين كنتي حلم في نومي لحافي=والأماني فوق معلوقي طبايق
جابك الله ملهمتني للقوافي=يا بعد نبض الخفوق وشوق شايق
أشرقت شمس الهنا ما عاد خافي=نورها عم الصحاري والحدايق