مرحبا يا هلا ياللي غيابك عذابي=جيتك تشرح الخاطر لنفسٍ(ن)كريمه
كم شرحت لك مابي كم شكيت لك مابي=من جروحٍ(ن)جداد ومن جروحٍ(ن)قديمه
وكم سرت بي حلوم وكم همٍ(ن)سرابي=المكاسب قليلة والخساير وخيمه
أسهر الليل وأقضي للنهار متصابي=كن بالجوف نار مولعه في هشيمه
ما تهنى بزاد ولا أهتني في شرابي=محترم كل لذات الزمان العظيمه
عقب غيبة عديل الروح زايد مصابي=الحسايف كبيرة والمواجع جسيمه
لين عود عليًه عقب طول الغيابي=إنبلج صبح روحي وإسترد العزيمه
غرد الشوق في غصن الغرام المهابي=والعروق اليباس اليوم صارت سليمه
أمطرت من قصيدي رايحات السحابي=واستفاقت بعد حرمان روحٍ(ن)رحيمه
عودة الولف ردت لي مشاعر شبابي=عقب ما كنت أظن العمر ذب الخريمه
مرحبا يا هلا ياللي غيابك عذابي=جيتك تشرح الخاطر لنفسٍ(ن)كريمه