السلام عليكم ورحمة الله وبركاته
هذه اول مصافحه لي معكم
واتمنى ان تنال اعجابكم
يا بعد هقواتي على حسب ما أظن
ويا سهلها يا صاحبي في البدايـه
حسبي على الايام وشلون سون
خلت سنين العمر تمشي ورايه
كم كنت انا مشتاق لأيام بيجن
والحين خوفي منهن أكبر عـنايه
كنــت أترقبهن يجـن يتماشن
وأردهن لمن بغيــت بعــصايه
لاكنهن راحن عليّه وقــفـن
وانا مكاني راجيٍ ما ورايه
يوم أحسب اللي راح واللي تبـقن
مثل عشاي اللي بقى من غدايه
صحيح انا غلطان لكن على من
أغلط على عمري وأصحح خطايه
أسلك طريقٍ ما به أنسٍ ولا جن
أمشي وكل الناس تمشي ورايه
يا صاحبي كانك تعرف اللحن غّن
وجاوب ندى قلبي وجاوب ندايه
ايامنا باقي بها اللي يكفن
واما كفت للعمر حـد ونهايه
صل الصلاه أليا سمعت المؤذن
وأقرا من القرآن سوره وآيه