من عز نفسه عزه الله عن النـاس = وانا عزيـز وعزتـي راس مالـي
مانيب من يتبـع سواليـف بـلاس = اعز نفسـي عنـه وابعـد مجالـي
مبعد مجالي عن هرابيـد الانجـاس = اهـل الـردى ياجعلهـم للزوالـي
اللي سوالفهم تجي مالهـا اقيـاس = افـلان قـال وقـال وافـلان قالـي
اللي بدون احساس يدفن بلا احساس = لاناشـدن عنـه ولاقلـت غـالـي
واقول في بعض الرجاجيل لابـاس = رجـال فاالكلمـه وباالفعـل خالـي
يجذبك باالكلمه معا زيـن الالبـاس = وتقول هذى اللـي يسمـا الهلالـي
ولانيب اعم الناس والناس اجنـاس = احدن يحوش الطيب واحدن موالـي
النفس تبغا طيب الـذات والسـاس = معـرب الجديـن عمـن وخـالـي
لاحتاس فكري قلت لاباس يـاراس = اذكـر فعـول مبهريـن الـدلالـي
اللي لهم في ساحة الطيب نبـراس = نعم الرجال ونعـم ذيـك الرجالـي
افعالهم تذكر علـى قـب الافـراس = يذكرهـم التـاريـخ اول وتـالـي
نعم الرجال اللي تنومس تنومـاس = ياطيب فزعتهـا علـى كـل حالـي
اهل المواقف فعلها يرفـع الـراس = واهل البيوت الشامخـات العوالـي
وصلاة ربي عـد ماهـب نسنـاس = وعداد ماذعـذع علينـا الشمالـي