الصورذكريات العشق لوانها من بعيدوجماد=والرسايل عطرها فاح ولين اليوم عندي يفوح
رسايلك تشبه البعد حتى قبل يحجبك البعاد=والصورفي عيوني روح وهي من غير روح
البارحه كنت أتأملها ليلة وفاء مدري هجاد=اتعبت عيني بالسهر وصديت عن كل الطموح
البارحه يالبارحه مايكفي إنك من سواد=للبدر واكب هالسماءولاالفضى عندي وضوح
ناري طفت تكومت عقب ماأدفت من رماد=والبرد يالفحني وصدري من كثر شوقي يفوح
اتأمل وصالك وهم وافرض عليك الأعتماد=وأرجع بلى عزم وبلى حلم وبلى قلب وجموح
تعال وش لك بالجفاء لون الحزن في الحب ساد=تعال بألوان الورود وصدعن درب النزوح
تعال لعيوني وطن وإلنازف جروحي ضماد=انا اعشقك في صمت وان طال الجفاء يمكن ابوح
تعال دامك ياهواي إلغربه اشواقي بلاد=انا انتظر روحي تعيش بصحبتك في وسط روح
لوكان لك صوره بعد غيبتك من صمت وجماد=رسايلك للحين عندي بأجمل عطورك تفوح
ادورك بين الدرر والغيم وأنسام البراد=وين انت ياعشق السنين اللي تروح ولايروح
وين أنت يابهجة شفاة اللي حزن يوم العياد=العيدعقبك ماهو عيدولاالأمل عقبك يلوح
وين أنت تهجرني كذامن غير درب ولامراد=الوين ماخذك القدروالوين اناعقبك بروح
خليتني بين الحزن وعيون ضحكات العباد=خليتني بين السهر والليل والحظ الشحوح
الشاعرة المتألقة:قوت القلوب