أكيد ماني من يحبه فؤادك=لكني اللي بينهم من يحبك
وأكيد ماني في حياتك مرادك =حتى ولو إني تملكت قلبك
وأكيد ماني راضي عن عنادك=لكن مهما صار والله ما أكبك
وأكيد ماني راضي عن بعادك=لكني اللي متجه يم دربك
إن جئتني طالع ترى الطيب زادك=وإلا أنا ماني بنازل لجنبك
يقولون بالأمثال من فاد فادك=ومن لا يودك لو تودده سبك
وإن جابك الرحمن والحظ قادك=ما لك فضل الشكر لربي وربك
وليا عرفت ميولكم من حيادك=بختار منها بين بعدك وقربك
وإن رحت ماني عقدة في قيادك=ولاني برب الخلق أخذ بذنبك