تغنيت بغرامك يا غلا يومك تناديني=أنا قادم أنا قادم ولو تأمر بإعدامي
أبشكي لك جروح(ن)قبل أعرفك كامنه فيني=وأبيك تفسر أحلامي وأبيك تبدد أوهامي
بروي روحي بشوفتك منك يا نظر عيني=وأبكتب على كفك حبيبي وأكسر أقلامي
أريدك لا بقانا وحدنا كلك توريني=مفاتن سحرك الباقي تراودني بأحلامي
فتني صدركٍ يا بنت والخالق ذبحتيني=تولع فكري بشوفتك صرتي مصدر الهامي
على صدركٍ الزامي دخيل الله تحطيني=أبقضي باقي الأيام بصدرك الزامي
وغطيني بكفك عن عيون الناس غطيني=أبشرب من حنان الصدر وأروي نحل عظامي
دخيلك يا غلا عمري دخيلك لا توطيني=هنا بقضي بقايا عمري وباقي أيامي
بغني لك قصائد شعري وسحر تلحيني=وبسمع صدى ترديدك لمعزوفات أنغامي
لكني طالبك لن ذبت في دنياك خليني=منى روحي وسلوة خاطري لا صرت قدامي
أبيك من العطش لا يبست الأرياق ترويني=وأبيك تكون لي أرق من عذبات الأنسامي
أموت ليا هجرتيني وأذوب ليا ندهتيني=قهر هجرك يعذبني وقولك ارفع لثامي
بلبي لك مطاليبك ولو كانت تعنيني=لكني لن طلبتك مطلب(ن)مهو بإلزامي
بعدها كيف ما شئيتي على كيفك توديني=تجمعني تولعني تشتت باقي حطامي