بداية عهد أبو متعب ليا شاءالله عهد ميمون=مليك(ن)مد يده للأرامل كافل الأيتام
ثلاث أعوام لكن بالزمن تعدل ثلاث قرون=بمقياس السنين ودورة الأيام والأعوام
مليك العدل والطيبة وكل الشعب له يدعون=مليك(ن)مصدر أحكامه وتنظيمه من الإسلام
مليك(ن)من صفاته ما منع عن شعبه الماعون=هذا سادس خليفة بالعدل عن سائر الحكام
ندي الكف بليا ضعف للمديون والمسجون=رحيم القلب صاحب حلم عند الواجبة مقدام
مليك(ن)بمر رب العرش ما يبقى بشر مديون=على ظهر الجزيرة من بحر جدة ليا الدمام
هذا صقر العروبة كل صعب(ن)لا نواه يهون=مليك لا وقف رفت تحية للوقوف أعلام
مليك مالك قلوب الشعب بالحب لو تدرون=مليك من نصاه بحاجة ما رجعه منضام
بطول العمر بدعي له وخلفي أمة يرجون=عسى ربي يطول عمر أبو متعب مدى الأيام
ليا شاء الله تظلي مملكتنا درة بالكون=وأبو متعب لها سيد وحنا للوطن خدام
تلاحمنا يقوينا ونغدي للوطن حصون=وأبو متعب مليك الشعب يا نعمين فيه إمام
نبي نبني وطنا ونتفوق فوق من يبنون=وحنا للوطن سيفه ودرعه والوعد قدام
نبي نكتب على وجه الزمان بكل لون ولون=نبي نرسم شواهد واضحة ونحقق الأحلام
نبي نبني من الحاضر صروح وربنا بالعون=نبي نطلق عنان الفكر للإبداع والأقلام
نبي نكتب على التاريخ قصة تبهر الأعيون=بطلها قائد الأمة أبو متعب ولد ضرغام