كنت أنتظر متى بيشرق نهارك=متى عيوني ترتوي بنور طلتك
لعلني أعرف بوجهة مسارك=يمكن أحدد وينها أخر محطتك
حتى طعنت القلب برمح إعتذارك=يا قدرة الله كيف الأفكار طاعتك
لكن ما تنلام ناري ونارك=مهي سوا ما دام هذي شطارتك
دام التسرع بالخطايا شعارك=يا بعد عمري كيف بضمن سلامتك
خططت ثم إخترت وهذا خيارك=لا تقول حظي والمقادير حطتك
لكن أنا مذهول بسرعة قرارك=إن كان لك غلطة ترى ذي غلطتك
ماني بعارف ويش سبة فرارك=وين الصفا وين الوفا وين لهفتك
نسيت منهو دائم(ن)في إنتظارك=يطلب رضاك ويرتوي من محبتك
يا كيف تعلن للحبيب إحتضارك=باللحظة اللي ينتظر نور بسمتك
طويت كل اللي مضى بختصارك=بالساعة اللي كل الأشواق نادتك
نسيت كم ليلة بالأحلام زارك=نسيت كم آهات للصدر ضمتك
نسيت كم أقلع وحط بمطارك=ما همه الا ياأريش العين راحتك
سكنت به حتى غدا كل دارك=ورموش عينه مثل ماقيل:غطتك
والله حسافة كيف ترمي شرارك=تحرق فؤاد(ن)بالزمن صار جنتك
غرقت وأغرقت الهوى في بحارك=طوق النجاة وعدة الغوص منجتك
قريت له ياسين مهي تبارك=وأنته تحسبك خاشع(ن)في تلاوتك