أهديكم أخر جديدي لعله يعجبكم
ومنه تستفيدون
سر ياقلم وأكتب على بيض الأوراق=دون هجوسي دون زود(ن)ونقصان
قدام لا تلتف ساق على ساق=وأصير أنا في كان والوقت في كان
ترى العمر لو طال من بعده فراق=هذا كتبه الله للأنس والجان
حتى الشجر بيموت وتحت الأوراق=يغدي هشيم(ن)بعد ماكان ريان
الوقت للأعمار يا حي سراق=نمضي مع الأيام وتدور الأزمان
نطرد ورا اللذات ونحسب الأرزاق=ما تأتي الا مع طويلين الأيمان
والرزق والأعمار بيدين خلاق=مكتوبة(ن)باللوح وبعلم رحمن
كم واحد(ن)يركض ويجمع ولا ذاق=وتروح من بعده لنائم وكسلان
ما تصفي الدنيا لمحبين عشاق=ولا تصفي الأيام لخصوم عدوان
ما زانت الأيام لضعوف الأسواق=ولا دامت الأيام لأصحاب سلطان
ما دامت لقاروت وأيوب وإسحاق=ولو فيه ملك دام دام لسليمان
أجيال بعد أجيال والكل بسباق=والله يعلم كم رابح وخسران
دنيا غرورة كنها موس حلاق=يمسح بدربه كل صائب وغلطان
ما باقي الا خالق الكون هو باق=سبحان منهو كل يوم وله شان