مثل ما عودناكم دائما
الأبيات بدون مقدمات
هدية ما نريد لها جزية
تذكرتك وأنا ما كنت ناسي=أنسى حياتي وأنت منساك منساك
تذكرتك بصحوي والنعاسي=في كل ذاتي وين ما رحت بلقاك
القاك في صبحي و وقت الأماسي=بين الضلوع القاك والقلب يحماك
أنتي حقيقة عشق زاح التباسي=ما عاد لي رغبة من الناس بسواك
أنت الجديد ومنك كل إقتباسي=بين الحروف القاك وبروحي أقراك
أنتي حياة الروح وأني حماسي=أي والله أهواك وأهواك وأهواك
حبي الك والله ما له قياسي=كل ذرة مني وربي تمناك
لآجلك نسيت أهلي وربعي وناسي=ما عاد أبي هذا وهذا ولا ذاك
يا جوهرة عمري وروحي وماسي=أهواك من هامتك لا حد ماطاك
قدام أعرفك كنت واحد سياسي=لكن معك غديت خاتم بيمناك
طبيت في بحرك وطاب إنغماسي=بعد ملكت القلب وشلون يعصاك
ما عاد تفرق رفعتي وإنتكاسي=أموت في ذكراك وأحيا بذكراك
يا غالية لن عشت يفداك راسي=كل الذي أملكه يفداك يفداك
حبك بقلبي لو حصل للرواسي=هد الشوامخ كلها تحت ممشاك