مسا الخيرات وان طال البطا يا المنزل المهجور
ترى ما ابطى بي الا حالة مثلك يقدرها
اذا عندك عتب لا مانع من معاتب المذكور
ترى ما ابطى بي الا حالة مثلك يقدرها
انا اللي جيت لك والريح تعوي والشتا مسعور
ولابه من دفا والمربعانية باواخرها
تغير وانطبع دربك بلون المسك والكافور
وهذي رعشة كفوفي ولا به من يدثرها
بعد ما كنت اجي بابك بدستور وبلا دستور
ولا ادري الا وذيك الدرفه اليمنى على آخرها
طموحي عارضته اللي معاها كل شي يبور
وجاء **ر الطموح اهون علي من **ر خاطرها
سنة ما اقبل نذير الشيب كانت بأول الطابور
وكنت احلامها ذيك السنه وأول سرايرها
لقت قدامها فوضى وقلب وشاعر وجمهور
وجات ورتبتني من جديد وصرت شاعرها
الشاعر ناصر القحطاني