اكمل هذه القصيده؟
من هو الشاعر؟
أيامـنـا والليـالـي كــم نعاتبـهــــــــا ****شبنا وشابت وعفنـا بعـض الأحوالـي
تاعـد مواعيـد والجاهـل مكذبـهـــــا ****واللي عرف حدها مـن همهـا سالـي
إن أقبلت يوم مـا تصفـى مشاربهـا****تقفي وتقبل وما دامـت علـى حالـي
فـي كـل يـوم تورينـا عجايبهـــــــــــا****واليوم الأول تراه احسن مـن التالـي
أيـام فـي غلبهـا وايـام نغلبـهــــــــــا****وايـام فيهـا سـوا والدهـر ميالـي
جربت الأيام مثلـي مـن يجربهـــــــا****تجريب عاقـل وذاق المـر والحالـي
نضحك مع الناس والدنيـا نلاعبهــــا****نمشي مع الفي طوع حيث مـا مالـي
كـم مـن علـومٍ وكـم آدب نكسبهــا****والشعـر مـازون مثقـالٍ بمثقالـي
اعرف حروف الهجاء بالرمز واكتبهــا****عاقل ومجنون حاوى كـل الأشكالـي
لكـن حظـي ردي والـروح متعبـهـــا****ما فادني حسن تاديبـي مـع أمثالـي
إن جيت ابي حاجـةٍ عـزت مطالبهـا****العفو ما واحدٍ في الناس يـا والـي
قـومٍ الـى جيتهـم رفـت شواربـهـا****بالضحك واقلوبها فيها الردا كالـي
وقومٍ الـى جيتهـا صكـت حواجبهـا****وابدت لي البغض في مقفاي واقبالي
ما كنـي إلا مسـوي حـال مغضبهـا****والكل في عشرتـه ماكـر ودجالـي
يا حيف تخفي أمـوراً كنـت حاسبهـا****واللي على بالهم كلـه علـى بالـي
الجـار جافـي وكـم قـومٍ محاربهـــــا****والأهل وأصحابنـا والـدون والعالـي
والروح وش عذرها في ترك واجبهـا****راح الحسب والنسب في جمع الأموالي
نفسي تبى العز والحاجـات تغصبهـا****ترمي بهـا بيـن أجاويـد وانذالـي
المـال يحـي رجـالاً لا حيـاة ابهــــــا****كالسيل يحـي الهشيـم الدمـدم البالـي