الأبيات أهديها لك
يا صاحبي علقتني فيك وإحترت=ماني بعارف صحوتك من جنونك
فتحت لك بيبان قلبي وسكرت=بيبان قلبك ما تبين فنونك
بين الرجا واليأس حتى تبعثرت=مابين صدق وشك قاري ظنونك
أقبل وتقفي وإن تقدمت وخرت=عجزت لأعرف وين تكمن فتونك
وأنا على ماقيل عندك تكسرت=مافيه لون يشدني مثل لونك
بمشي معك بالدرب وإن كان قررت=تمشي بدرب غير بترك ظعونك
وإن كان شفتك منحرف عنه دورت=بغير الوجهة وأغير لحونك
لكن دامك مثلنا ما تغبرت=بواصل المشوار مقدر أخونك
وليا شعرت إنك بلحظة تكبرت=بوادعك وأقول ربي بعونك
تلقا بعدنا خير لن كان دورت=بس إحترس الناس لا يخدعونك
وإن كان جالك فرصة بيوم سيرت=يمي تبا تلقى خوي يصونك
حتى ولو إني بساعة تكدرت=الروح تفدا بالمواقف عيونك
وأنا ليا مني بساعة تذكرت=ماني من اللي بالزمن يقطعونك
لكن أنا والله ما بعد عذرت=مر(ن)أجي وراك ومرار دونك
هذا خياري بعد مافيه فكرت=حرقة شجوني حيرتها شجونك