كل صباح ومساء وأنتم بالف خير
واليكم هذه الأبيات المتواضعة
يحز فيني يالغضي شوف دمعتك=لا شفتها تذرف على سفح خدك
يصير فيني حرقة مثل لوعتك=تسبق يديني مسحها قبل يدك
البال يخبث لا تذكرت وجعتك=ودي أوقف معك ماكون ضدك
وأنا تراني سمعتي هي سمعتك=أنت الذي بالروح مافيه قدك
بالساعة اللي ولع القلب شمعتك=مزجت بالأعماق وجدي بوجدك
جذبتني جذبتني بسحر روعتك=من يومها عشقت لأخذك وردك
صرت القريب ولا تحمل لقطعتك=مقدر على صدك ولا أرضى بصدك
لا تنتظر في يوم بطلب لنفعتك=ترى الغلا ماهو على شأن مدك
لو شفتني محتاج وفر لفزعتك=ماني بقابل شيء ماهو بعندك
ولاتفتكر يازين بقول قلعتك=لا والذي سواك ما قول حدك
والله ما ترخص ولزيد رفعتك=أنا ترى باقي على خبر عهدك
أفرح بتشريفك وأراقب لرجعتك=لو غبت عني وقت يمي مردك
لكن حاسب لا تهور بسرعتك=وإحفظ لسدي مثل حفظي لسدك
ياحاكم(ن)روحي بذوقك ولمعتك=يافاتن(ن)فكري بهزلك وجدك
أجزع ليامني تذكرت دمعتك=والله يعلم حالنا كيف بعدك