يــارب جـمـلني عـلى درب الـصواب = والـزله الـي تـايها طـالبك سـكر بـابها
يــارب تـغـفرلي وتـكـفين الـعـذاب = وهـون عـلى نفسي نهار انك تريد احسابها
الـيا تـفرشت الـتراب ولحفوني من تراب = الله خـلقني مـن تراب وعدت جوف ترابها
فـالحظة الـي لا جليس ولا طعام ولا iiشراب = كـفف يـدينه لا يـوديها ولاهـو جـابها
مـسكين يـأبن ادم تـعاتب مـايفيد العتاب = النـفس لاجـاها وعـدها مـايفيد عـتابها
دنـياك يـأبن ادم تـراها كـلوبها لـذهاب = جـبالها وشـعابها وسـهولها وهـضابها
يالله تـرحم نـهار الـوعد في يوم الكتاب = وجـعل يـميني يـوم وعدك ماسكه بكتابها
شـابـت بي الـدنـيا ونــا تـوي شـباب = صـدوف بـقعا لـبستني مـن جميل ثيابها
و الـوقت إبه عدله وله ميلة وفيه الأنقلاب = والـناس تـعجز بـين صـادقها بعد كذابها
و الـمجلس الي مايجمع من عزيزين الجناب = ســواة قـهوة بـاردة مـاكيفة شـرابها
و الـخوه الـي ماتكون مع الشجعين الذياب = سـواة خـنجر يـامحمد كـاسرين أنصابها
والـخوه الـي قـدرها سواة همال السحاب = يـاليتنا فـي هـالزمن دايم نكون اصحابها
والـهرجه الـي مايكون سؤالها قد الجواب = لـيته يـخليها بـصدره مـايفك أحـجابها
و العشرة الي زايله مابين ضرس وبين ناب = مـالك ومـال الـزايله ريـح ولا تـشقابها
وبعض الرجال اليا حضر تقدر تسميها غياب = غـيابها لـحضورها وحـضورها لـغيابها
وانقلت طاب الجرح والله ما بعد هالجرح طاب = لا كـن سـل الـروح ياطيب بطيب أصحابها