صباحكم/مساؤكم ورد
عودناكم بأبيات في كل يوم
وهذه هي على عجل
علها تروق لكم
شبي علي الشوق يا بنت شبي=خليني أغدي ولعة تشبه الجمر
لا صار ذنبي الهوى حلو ذنبي=إني أحبك مثل ذا الذنب بيسر
وأنا أشهد إنك ماخذه كل قلبي=ماني محسب ويش من بعدك أذكر
أخلصت لك بالعهد في كل حبي=ونثرت لك قصائدي تشبه الدر
الحظ بعد إنه رماك بمهبي=من بعدها والله ما تقدر تفر
أخذي مطاليبك وهاتي وكبي=عساك للوقت يافاتني ذخر
بينت لك ماكان قبلك مخبي=أخذ الحلا وأترك من أفعالي المر
وإن كان عندك شك فيني وقربي=قلها يبا يجيك مني العذر
وإن كان قادم لي مهلي ملبي=والله ماخليك تشكي من الضر
عهد علي والعهد ميثاق ربي=ما يخلفه من كان حر ولد حر
والله على ماقول حسبك وحسبي=الله يتمم فوقنا ضافي الستر