الأبيات كما جات بدون مقدمات
ولا تحسينات
لو كنت غالي مثل ما قلت عندك=كان الذي تغليه لعيوني أرخصت
لكن ودي ما يوافق لودك=يوم شفتني محتاج في سرع وخرت
مديت لك كف العطا قبل يدك=حتى عيوني لو تبا ما تعذرت
والا أنا ماني بحاجة لمدك=الله مغنيني بفضله ولا هنت
لأجل الغلا في حاجتك مابردك=حتى ولو هي عندي صعيبه تصرفت
ضيعتني ما بين هزلك وجدك=حيرتني وأنا الذي قبل محترت
هديت حالي ياعسى الله يهدك=لو هو حديد يلين الا أنت مالنت
ليا كان يذهب بس جهدي وجهدك=مع عاصف الأرياح البعد قررت
باقف على حدي و وقف بحدك=باب يجيب الريح بيدي سكرت
صرنا مثل قطبين بعدي وبعدك=ما يلتقي مدارنا يوم فكرت
إن رحت ماني طالب الله يردك=ما بك فيادة كان قبلت وإن رحت
صفر شمال ولا نسحب لعدك=قيمتك وحده ما تغير ولو زدت
ما دام عندك بالزمن ما يسدك=مافيه داعي تتعب الروح والنت