أولاً : المعذره على طولت الغياب
ثانياً : اطرح بين ايديكم هذه الابيات علها تنال استحسانكم
ياعين كفي الدموع السكايب = ماينفعك ياعين دمع(ن)سكبتيه
لو الدموع ترد من كان غايب = لقول صاف الدمع ياعين هاتيه
لكن دار الوقت والحظ خايب = أبعد عنك نورك اللي عشقتيه
الناس تتباشر بشوف السحايب = ليا تراكم ياعيوني تبعتيه
من يوم ماشفتيه قامت كتايب = جنودها ذكرى وليف(ن)ذكرتيه
القلب من فعلتك ياعين ذايب = لنك حبيب الروح عنه حجبتيه
الجفن ورده ذابلته مصايب = وانتي سيولك جارفه وجرفتيه
دمعك على جفني كنه لهايب = من جمرك(ي)بستان قلبي حرقتيه
ياعين روفي بحالكِ والهدايب = يكفي على شانه دمعك سكبتيه
مدام ذا ممشاك أنا منه تايب = الله يسهل لك طريق(ن)مشيتيه
الصبر يبري الجروح العطايب = وانتي نفذ صبرك ودمعك ذرفتيه