السلام عليكم ورحمة الله وبركاته
واليكم الأبيات بدون مقدمات قلتها ببعض السفريات
علها تروق لكم وتبقى للذكريات
قالت:أحبك قلت حب المصالح=ماهو بحب مالك(ي)فيه مصلوح
هذا كلام يسمعه كل سايح=واللي يحب يسيح يابنت مسموح
حب يجي في سرع في سرع رايح=يقبل بمقبالي ولا أقفيت بيروح
بعض الهوي يا بنت ماهو بناصح=سلعة رخيصة بيعها يجلب النوح
يا بنت أنا ماني مدور فضايح=يا بنت أنا ماني من الناس مفضوح
ماني زبون لحب يابنت طايح=ما جيت أدور حب بالسوق مطروح
أنا طعامي طيبات الذبايح=ماني بذايق دم يا بنت مسفوح
شوفي بدالي والأوادم شرايح=تلقين من يرخص على شانك الروح
يعطيك ما يملك ليا أوحى المدايح=ويروح من عندك بلا شيء ممسوح
خليه يغرق في بحر شين مالح=بحر الطمل ما يسبحه كل طحطوح
بعض العطور تغور لو هي روايح=ما كل عطر يهيج النفس مملوح
ومن لا توقع وإستمع للنصايح=يندم ليا منه غدا كله جروح
الدين عصمة والنظم واللوابح=ومن لا فهمها بأخر الوقت مسدوح